صوت الربابه




مع قلـة الحيــله عـلى بـعض الاشـيـاء=اللـه عطـاني عـز نفـس ومهـابـه

أمـوت في عـزه قبـل ذل الاحيــاء=واللـي يهـين النــفس مصكوك بـابه

مـاسـاإني وقتـي اذا جـيت مستـاء=اعرف تـراني في كفـوف الكـآبه

وانـي بوضعــن ما نفـع فيه الالهـاء=واني غـريب ومذهلتنــي الغرابه

مبحـر معي طيفن بعيدٍ ليا جاء=ما يطـري لسمعـي يا غـير الربابه

اغيب واترك واقعـي بين الارجـاء=واقطـع مسـافه واليقـن بغيـابه

أعـود للمـاضي من الالف للياء=واون من قلبن عذابه غدابـه

اون ونة طيبٍ عقب الاطراء=حده زمانه للشــديد وعثابــــــــــه

عقب الغلا نص العــرب صارت اعداء=وحتى ردي القوم قام وحكابه

يمسـي وحيدن معتزل دون الاضواء=همن سرالــه والف همن سرابـه

ويصبح ويمسي جاهلن كل الانحاء=يبي السلامه والزمان افترابه

على الذي قربه شقى وبعده اعياء=ولاماه صعبه والخفوق ابتلابه

اسمه بصدري طابعن غير الاسماء=ووصفه ملاك وفي كلامه ذرابه

ضامي على ذكره وانا بحلة اقصاء=مثل الفياض الضاميه للسحابه

أول غـلا صافي بلا كذب وارياء=واخر غـلا تل الخفوق وغدابه

لامن طرالي يظلم الليل واستـاء=وتفيض عبراتي لصوت الربـابه