متى ماصارت الضحكة شجن يسكن دموع الشوق..
تلقيني أنا الباكي أنا من يسكب العبره..
ومتى ماصار قبر الموت يشكي شهقة المخنوق..
تلقيني أنا الميّت أنا من ضاق به قبره..
ومتى مالبست الدنيا جلود العاشقين بذوق..
تلقيني رداه اللّي كسب معركة صبره..
ومثل ماللسما برقٍ لك بقلبي رعد وبروق..
ومكانك رسم عمري قاسي للملا عبره..
ومثل ماللطفل دمعه يذوّب قسوة المخلوق..
أنا لي عاطفة ذابت ولانت والسبب نظره..
ومثل ماصار لك خاطر أحنّه وأحمله برفوق..
أنا لي خاطرٍ عندك تكسر مالقى جبره..
أنا يابنت لي عقلٍ من أفعالك غدى مطفوق..
مثل ماوقتي الغالي نفذ عقله بخربه..
تعبت يسوقني وقتي وأنا عمري أسوقه سوق..
تعبت من النصيب اللّي مثل منتي على خبره..