مشيتك يالسراب اللي حسبتك تروي الضميـــان
لقيتك واهجٍ زاد الالــــــم في وســــط وجداني

بعد طول الطريق وبعد رحـــلة خافقٍ شفــقان
صدمني واقع ايامي وحلمت بــــــواقعٍ ثــــاني

اسافر في بحر حزني وروحي ملت الحـــرمان
مواني الحزن في نفسي شـــواطيها تحــــراني

ايازهرة ربيع العمـــر وينك عن ثرى البستان
اياضحكة شفاتي عــــودي ملـت اشجــــــاني

مشاوير العمر كذبه وقصه مالــــها عنــــوان
سفينه تضرب بجــال البحر من غير ربـــاني

طريقي صعب والامي في جوفي كنها بــركان
ترانيم الفرح ضاعت وليلي بالعنـــــــا جــاني

حزينه ياحــــروفي بكتبك وان ماتت الالحان
في نبضك اعــــرفي من دمعتي اني انا الجاني

ابي اترجم اوجــاعي مواويل على القيفــــان
تجسدني قصيدة حزن تحــطم ســـور كتــماني

اياذيك الحروف اللي هويتك من زمـــانٍ كان
محاني الصدر فجيــها عشان الكــل يقــراني