كان الهجر يرضي تواضع معاليك
زدني هجر والله يسلم شبابك
لاعاد تسالني اذا غبت وش فيك
الا اذا كان الغلا الصدق جابك
ماهو بكيفي يوم احبك واغليك
الحب ساق القلب لي حد بابك
حاولت من صفحات نسياني اطويك
ماقدر على الهجران قلبي يهابك
يعني تبيها كاش انا ميت ن فيك
يعني احبك والشقى في غيابك
ان كان قلبك شبه ميّت أبارويك
بأسكّن القلب المعنّى هضابك
وان كان كل الي مضى مايكفيك
بصبر الين ارضي انافة عتابك
انسى جميع الخلق لا حلّ طاريك
الله يخفف لوعتي في مصابك
ياعشقي الخالد وش اللي بقى اعطيك
ما عاد عندي شي يرضي جنابك
لا ضاقت ايامك ترى القلب ياؤيك
قلب المحب اللي ابتدأ وانتهى بك
هايم ومغرم طالب القرب شاريك
ليت الزمان الي سرا بي سرا بــــك