صارحيني وانثري حبّك حروف سطريها في صحايف من ذهب
إعلنيها دون خوف أو كـسوف بــلّغيها للملا عَجْمُ وْ عَرب
قوليَ آحبك على كلّ الظــروف وافيٍ عهدي ولاني من كذب
وابشري بالعزّ في كلّ الصّروف ياهناة الرّوح.. لي عندك طلب
دَثِّرِيني وسط حضنك يالهَـنُوف زَمِّليني بين رمشـك و الهدب
إطربيني بهمس قلبٍ لي شغوف في وجودي كلّ وقته في طرب
اطعميني من شَهَد حبّك رشوف زيدي اشواقي لـهيب في لهب
حرّكي جذع المشاعر يالعطوف تسقط ثمار المحبّه كالـرطب
جيت انا وانتي على الدنيا ضيوف أجتمعنا والهوى كان السبب
لو تبي روحي تراها ع الكفوف رهن حبّك والغلا فيهاترينه وجب
أشهد انّك في الملا مالك وصوف من تباشير الحسن شفت العجب
مثل زينك لا حشا مقدر أشوف الوفا كمّل جمالك في حسن والأدب 0

تحيّاتي للجميع