ماظنتي بنساك او اقدر انساك
وماظنتي بعطي لغيرك حناني
يكفي اعيش بذكرى الايام وياك
ويكفي اشوفك غافي الجفن هاني
لامرت عيوني على شارعك ذاك
والشوق والايام الملاقا خذاني
هناك اول شوف وهناك وهناك
اول طريق الحلم واغلى الاماني
وهناك جيت بموعدك واتحراك
واحسب دقايق موعدك والثواني
قمت اتشره؟والزعل ماتعداك
رجعت قلبي من شقا الوقت عاني
واعاتبك تضحك؟تقول انت وش جاك
اثري سبقت الموعد بيوم ثاني
لبى عروقك ثم لبى شفاياك
ولبى عيونك ياملخبط كياني
اموت فيك الامتيم بلاماك
مستوطنن في وسط كل المحاني
لاجيتني نبض المعاليق حياك
اغلى البشر يامرحبا يوم جاني
ولاجاك قلبن ياريش العين يضماك
مدري رماك الشوق ولا رماني
يقطع زمانن في هوا الغير وداك
ويقطع زمانن عن طريقك حداني
استغرب اني كيف عايش بلياك
وشلون موتي فغربتي مالفاني
انساك..لاوالله انا مااقدر انساك
الا الفرح من يوم هجرك نساني
بس الاكيد اني انا عقب فرقاك
ماني بـ(....)صرت انا انسان
ثـانـــــــــــــــــــــــــــــــــــــــي