يآقلب انا اسمع زفرتك واسمع ابكاك
واحس في ضيق العـروق وتعبهـا
واحس بضلوعي تكسـر وتنخـاك
يكفي تزيد بحرقتـك مـن حطبهـا
واحس في روحي سجينه وترجاك
اطلق صراح اللي تناجـي رحبهـا
غاب اللذي بالامس كـان يرعـاك
بلسم حياتك لآالتعـب بـك غلبهـآ
غاب اللذي علو القمر وسط دنيـاك
ظل الحياه وشمسهـا مـع سحبهـا
يارب لطفك والرجى لك وشكـواك
في غايبـن كـل الامانـي سلبهـا
حبه مجـره والغـلا كنـه افـلاك
والقلـب مركـز للوفـا يجتذبهـا
يآغآيبن عنـي اشوفـك ولآ لقـآك
طيفك سرابـن بالوجيـه احتسبهـا
قلي بربك يآبعـد منهـو آغـلآك.؟
ونت خفوقـي والالـم وش سببهـآ
غير البعاد اللي كسرنـي بفرقـاك
محدن سواك اللـي حياتـي قلبهـا
والله اريدك واطلبك قرب وابغـاك
تعطف على نفسن بعـآدك عطبهـا
شفـت البشـر ذولا وذولا وذولاك
ابعيهـم لجـل العيـون وهدبـهـا
ماعاد يفرق في غيابـك وممشـاك
كثر الطعون وضربها مـع نسبهـا
يالعنبـو حيـن عذلنـي بـذكـراك
ويالعنبـو نفسـن تزيـد بعتبـهـا
ماقـدروا حبـن عفيفـن ويـدراك
وماقدروا روحـن بعـادك رعبهـا
وماقدروا منهو عجز يـوم يسـلآك
شخصن قدومـك بالامـل يرتقبهـا
عجزت اداري هالوله يوم وانسـاك
وانت اللذي صافي حياتـي كسبهـا
حتى الشعور بداخلي مابـه ادراك
ماغيره اسمـك للخفـوق يعجبهـا
هذا انا يآميـت القلـب وش جـاك
يومك تزيد مـن الحكـاوي كتبهـا
شفت الورود اللي تكيدك بالاشواك
هذاالعـذول اللـي بعـادك طلبهـا
لو الثواني تنعكس بالزمـن (بـآك)
والله لـداري بسمتـك واكتسبـهـا
واصد كل منهو حرمني من لقـاك
واعلمـه حًّبـك المكيـد ولعبـهـا
من طيبتـي ماردهـا كـف يمنـاك
لوهو شراب الموت منك اشتربهـا
تكفى ترى تكفـى لزومـن وجبهـآ
والله مامثلـي عشيـقـن تمـنـآك
وارخص حياته بالرجى ماحسبهـا