قالوا تحبه قلت ما هو بالحيل
بس انه اغلى شوي من نور عيني

يسوى جميع الجيل الاول وهالجيل
أحبابي الماضيين والمقبليني

شوقي له أعظم من ظما الأرض للسيل
وأشفق عليه أكثر من أم للجنيني

اشتاق له شوقالمحبين لليل
وارتاح له راحة دموع الحزيني

لا صار جنبي لو سنه وقتي بخيل
ولا غاب لو لحظات صارت سنيني

قالوا يحبك قلت هذا هو الويل
ما ودي أنشدثم رفضه يجيني

وأهدم رجاي بدبرتي مثل ما قيل
والافضل أحيا بالأول لو لحيني

يا حبكم يا ناس للقال والقيل
والأمر لو هو سهل يصبح مهيني

خلوني أحيافي الوهم يا عواذيل
وش دخــلــكم والأمـر بـيـنـه وبـينــي