-*™£ منتدى آل شراحيل بفيفاء£™*- - عرض مشاركة واحدة - الغلا إحساس إلى حد الخيال والعشق لو شفت معشوقك تطير

12-31-2010, 03:45 PM

جـاني واحـد قـال : بسـأل كم سـؤال
وقبل يســـأل قلت : أنا ماني خبير !
قال: جـــاوب بس , يا ولد الحــلال
وكل كلمه حِطَّهَا .. بشـــطرٍ صغير
قال نبدي:وش هو تعريف المُحال؟
قلت :
خَل هالكلمه فـ البيت الأخيـر ..!
القهــر : إن شـــفت دمعـات الرجال
والوطن : ( إنسـان ) .. مِتغيِّر كثير
والطفل : لعبه على شــاطـي الرمال
والأمل : إحسـاس في عين الضرير
الوفا : [ قلبـــين ] .. يجمَعهُم حلال
والرَجُــــل : اللـي علـى أهلـه يغير
والرجــــا : لا قلت : للواطـي تعال
والفشـــــل : مدري .. ولكنـه مرير
والشـعر : في وقتنا .. بدر و طلال
زيـن أوَّل : حيـل يعجبنـي جرير..!
والغــلا : إحســاس إلى حَـد الخيال
والعِشِـق : لا شــفت مَعشُوقِك تطير
والجفـا : إعكــس مفاهيم / الوصال
والوَصِــل : يعنـي تأكَّـــد فيك خير
والعقــــل : تِسْــفَـه أقاويـل الجهال
والجهل : إن قلت عن نفســك كبير
والخطر : لا صارما عنــدك مجال
والبلا:إن صرت معـــدوم الضمير
والعجب:لاصرت تســــأل منهوقال
والتعب: إن كنت تِبْحَثْ عن مصير
والغنى : بالنفــس ما هو راس مال
و الفقر : من كان ..بـ أعماله فقير
يكفي يكفي .. أســئله إنهي الجدال
ويـ الله علمني عَن..السِّر الخطير
ما أبي تضرب لي في غيرك مثال
قول : عنِّك وإعتبر سِـرِّك في بير
جات طعنـه مِن جنوبك والشـــمال
يعني وضعِك بين مِن حُولك خطير
صاحبـــــي وإن ضاقت بعينك ليال
لك فرشـــت القلب مفروش الحرير
في [ بلاد الحلم ] .. ممنـوع العقال
والمصيبه الشـعب ما إختار الأمير
وما ألومك .. كان شـــدِّيت الرحال
دام بيتك جرح / وفراشـــك حصير
هـذا تعريفـــــــي إلى كلمة : مُحَال
شـيء ودِّك فيه ولا يمكن يصير ..!

م/ن