يالله يـالــي رحـمـتــك مـالـهــا اقــيــاس
يامفـرج الضيـقـات عــن كــل مـكـروب

اجـبـر عــزا جـــده ولا بـــأس لا بـــأس
والـلـي حـصـل فيـهـا مـقــدر ومـكـتـوب

تدمع عيون الناس من حالـة النـاس
والوضـع فـي جـده يبكـي لـه اشـعـوب

ذاع الـخـبـر عـبــر الـوكــلات والـــواس
جــده تـنـادي وضعـهـا صــار مـنـكـوب

وطار الحجاب اللي مغطـا بـه الـراس
ثم انكشف علم علـى الخلـق مكـذوب

حسبـي عليكـم شلـة مابهـا احـسـاس
يـامـدعـيـن الــحــق والــحــق مـسـلــوب

لا خيـر فــي عنـتـر ولا ذاك أبــو رأس
نـــاس عـــن الـتـزويـر مـاتـقـدر اتـــوب

أرواح خــلـــق الله مـهــانــه وتــنـــداس
وضاعت حياة الناس ناهب ومنهوب

الظـلـم مايـرضـاه ربــي عـلــى الـنــاس
وانـتـم رضيـتـو قتلـنـا بشـكـل مـقـلـوب

لابــــاس يــاجـــده ســلامـــات لابـــــاس
ولا بـــــد لـلـظـالــم نـهــايــة ومــكــتــوب

لا حول ولا قوة الا بالله