اودعك يا بدر ظهر له زمان وغاب
اودعك يوم ابعدت نورك عن الديره

اودعك يابدر سرى والهوى ما طاب
عليه العيون الدمع جرح مابيره

اودعك لجل الحب مع نورك الجذاب
هويته وحبيته ولا شاق لى غيره

وداعه روحى يوم جابه لجل جلاب
جلبها الغلا والحب هذى تدابيره

ترى البعد ما يمحى غلا من رمانى وصاب
رمانى بسهم قاتل يالله الخيره

الاياعيونى والله انك من الاسباب
تسبب بقلبى ما اهتنا بسيره

ضربنى ودم القلب ينزف من المضراب
واذا ماتبى زود على الدار والديره

تصبرت لين الصبر بيح خفاى وذاب
عليكم من الله راعى الحق والجيره

قضى العمر منكم ما حصلى فرح واعجاب
ولاصح لى ما غير التعب منك يا اميره

اميره الجمال الحسن تخضع لك الارقاب
على كل من عرف الهوى ما لهم خيره