بسم الله الرحمن الرحيم
رجعة ملك...
القلوب بين المحاني تعزف وطربانه
بقدوم العريب بن العريب الملك عبدالله
حبيب شعبه السعودي رجاله ونسوانه
شعب مخلص وما ساوم على الحب لا والله
ما همنا غير نروي عيون من البعد عطشانه
لشوفة ملك قايد ووالد شرعه الدين والمله
واصدر الديوان مرسوم واضح في عنوانه
رجعة ملك يحفظه ربي في الترحال وفحله
زغردت ارض الوطن وبالحيل فرحانه
الصحاري والجبال وبحورها ونسمات تله
وبيت عز(ن) من الفرحة اهتزت اركانه
فز شيخه فرح شب ناره وبهر الدله
رحب بك عيالك عد همال المطر في امزانه
يا عون الضعيف يا انسان يا باهي الطله
يا باسط(ن) كف العطا بكل الوانه
يا الكريم بن الكريم ويابو الكرم كله
يا عيون العدل ويا كفوف ميزانه
يا مخاوي المعروف ويا تارك الزله
هيبة ملك وعزة نفس وعزوته اخوانه
والشعب درع للوطن وللملك شمسه وظله
احترامه فرض واجب على الحكام أقرانه
طير شلوى سيفه على الشر يستله
شايل هموم العرب والمسلمين فوق أمتانه
عظيم الأمر عنده صغير وبحكمته يحله
وبنهاية قصيدي الي رصعت قيفانه
برجعة ملك شافاه ربي من الشر والعله
والحين زالت هموم الشعب وزالت احزانه
عرضه وبشت وسيف وباقي اليوم فله
وصلوا على المختار ولعنوا بليس وعوانه
وادعوا العالي الرحمن ينصر قدس لليوم محتله
اتمنى أن تنال هذه القصيدة نصيبا من اعجابكم
تقبلوا خالص شكري وتقديري
ابو اياد