ليه السهرياعين والناس ممسين
ياعين ليلك عاد ذكـرى عزيـزين
اليا طروا نفسي تزايـد كدرهـااا
البارحـه والهـم سيـف بحديـن
يسطي على عوج الضلوع وبترها
من هول هم يودع طويق نصفيـن
لو جا على صم الحجاره صهرهـا
لاهوب فالصحبه ولا هو من الدين
ولاهي كنوز التاجر الي خسرهـا
منه يشيب الراس وتشيب العيـن
برائة الاطفـال يـوم افتكرهـاااا
ماتنحوى في بيت بيتين عشريـن
لاشك يانايـف نويـت اختصرهـا
كنا صغار بزحمة النـاس لاهيـن
واكبر مشاكلنا بربطـة شعرهـااا
اضيق لاضاقت من الناس الادنين
وان شفت ابوها عند حاجه نهرها
نمرح ونضحك ونتزاعل وبعديـن
ترسي مراكبنا بشاطـي بحرهـاااا
ساليـن والدنيـا ورانـا بسكيـن
ولاحسبنـا للسنيـن وخبرهـاااااا
كبروا صغار السن في بضعة سنين
كنا نعيش سنينها فـي شهرهـااا
قالوا سلوم الناس تنشاف بالعيـن
ياجهل فيهـا توحـى خبرهـااااا
البنت لابن العم من ساس جديـن
وانته من اقصى الناس لاتنتظرهـا
ياسلمهم ليتك من الناس ياشيـن
والله لاارمي بـك بقلعـة ودرهـا
حرمتني يا سلم والشرع والديـن
مايقبـل اوضاعـك ولا يعتبرهـا
الله يهنيها ويقسـم لهـا الزيـن
وتفرح بدنياها وتجنـي ثمرهـااااا
الجرح ينزف من بعد عام الالفيـن
ينزف اليا عانق خيالي صورهـااا