الله يجازي مـن يسـوي سواتـك ... وبذنوب من سوى سواتك يجازيـك
مشيت درب الثقـل وتحـب ذاتـك ... ماتـدري انـه للمهالـك يـوديـك
غـرك جمالـك ياخسـاره حلاتك .... ماتدري ان من غير طبعـك يخليـك
بتقـول زينـك يشفـع لسيئاتك .... الحسن ماهو عن وفا الحب يعفيـك
لو التواضع والوفـا مـن سماتـك .... بعت الحبايب كلهم ديـن واشريـك
لكـن عجـزت اغيـرك ياجراتـك .... على الغياب اللي بلا عـذر ينجيـك
خطاي في توضيح وشهـي غلاتـك .... وخطاك في توضيح وشـو تغليـك
وشلون توصيني وتنسـا وصاتـك .... وتصد عن صوتن تقطـع يناديـك
مافاتـك التجريـح والعـذر فاتـك .... وتبغي رضاي الحين ماعـاد يمديـك
صحيح احبك بـس هـاذي جزاتـك .... بعلمـك درس يفيـدك ويحيـيـك
تدري وش ابيض من خفوقك عباتك .... وتدري وش اللي غرني نظرتي فيك
ادري بتستغـرب تصبـر وجاتـك .... قصيدة مـن واحـد كـان يبغيـك
وتبغي تناظر وانت عايش مماتـك .... شف وحدتك والناس تجلس حواليك
وتبغي تشوف اشجع رجل في حياتك .... شفني وانا مقفي على كثر ماغليـك