إلى متى يا"ضيقه الخاطر"على مجرى الوريد
ماعاد باقي من دمي قطـره ماهي مسـتوجعه !
انا دخيـلك يا وفــا قلبـي تسـافر بي بعـيـد
طموحك"الربان"وجروحك بـ قلبي الامتعه !
وجه الزمن ماعاد يغري .. وانقفل باب البريد
وانته " وفاي " اللي لو أخدع دنيتي ماأخدعه
لا صارت الدنيا مصالح والوفا؟كم فـ الرصيد
انوي السـفر يم الأمـل وأفـرد جميع الأشـرعه
بس البلا لا صارت أمواج "التعاسه" من جليد
وإن صاح جرحـك مالقيت اللي يحن ويسـمعه
من لا يقدّر خوتي فـ "أبرك سنه" فرقـاه عيد
أما "الرفيق الغالي"إليا غاب خذا قلبي معه !
البارحه هبت هواجيسي فـ صدري من جديد
ســوالف ٍ تشـره على قـلبي بـ حلـم ٍ ضيعـه
لاهنت يا "جرح الزمن" حقق مرادك مايريد
أهديت للخافق جروح .. وهو رفع لك قبعه !
يا ويل حالي من شقى اللوعه وياقطع الوريد
على آخر جروح الصداقه والطعون الموجعه
قلبي " مصفي نيته " لو كل من حوله ضديد
يبقى(الجبل)مهماوطته الريح ماهي تزعزعه
من طاح من عيني ماعاد يهم ينقص أو يزيد
اللي ينزل قدره بـ نفسه .. هو اللي يرفعه !
"ريحت قلبي"من عنـاالدنيا وانااللي مستفيد
مادام قلبـي مالقى في الوقـت شــي ٍ يقنعه
إلا رفيق ٍ يجبرالكسر وعلى الشده عضيد
هــذا منى قلبـي عـلى الدنيا وهذا مطمعه
أضحك لوأن الضيقةاللي في الحناياتستزيد
لين أقهر الضيقه وأخليها تفارق فـ السعه !
لاخانك الوقت الردي"وما للحديد إلا الحديد"
اللي شراك أهده وفـا واللي خذل عهدك بعه
تمشي المقاديربـ هوى الراضي وتلعب بـ العنيد
صدق اللي قال ان طاعك"الوقت الردي"والا طعه !
العمر بـ أيامه قطار .. وراكب ٍ سكة حديد
وتمـر لحظـاتـه مابـين المحـزنـه والممتعـه
كل الحياه دروس والدنيـا عــبر والمستفيد !!
اللي خذا من ( جمله الدنيا ) دروس ٍ تنفعه
يعطيك العافيه قصيده رائعه
وتحوى ابيات معبره
اشكرك