هذي رسالة ولا ادري كيف أوصلها
لو أن بيض الورق ما تشتهي بوحي




يا حزني اللي وقف في عيني الولهى
ويا شعري اللي غدا من غير مصلوحي!!




بي صرخةٍ من يقدّيني على أولها
وأفجّ صدري مدى واسمّع جروحي



يا من بروحي يقيم ويسرح ويلهى
إحتجت لك ألف مره وأنت ما توحي




إلى متى دمعتي تجري مسايلها
وإلى متى طيف وجهك يقطع شبوحي




جرحي خنق عبرتي لو هو مبللها
واليوم هذا هدمت الصمت وصروحي




تعبت وأنا أحاول و آتجاهلها
وأنا على نيّتي وأساير جموحي




ياصبر صبري على تالي مهازلها
جروحي اللي بقت لي واشتهت نوحي




أكتب بعز الحزن والناس يشغلها
وشلون شعري كذا بيّن ومفضوحي!!




يا سالفة حزني اللي هذي أولها
ما عاد عندي كلام ولا أبي بوحي

المحبّـة عـشّ .. والخفّـاق طيـر
لا شعر بالضيم وسط العش .. طار !



رفرف بريشه وحس إنه بـخيـر ..
يوم صار الغيم بعد الضيم .. جـار !



يا صديقي كل ما إستوحشت .. طِير ..
ولاّ بدّل دار هـ الوحشـة .. بـدار !




لا يسوقك لـ الوطن .. سلك الحريـر
دام ما يحفـظ لـ خفاقـك .. وقـار !




ما يذلّك في ديار الحـب .. غيـر ..
بعد هذا الحـب .. تلفظـك الديـار !!



من يحبّك .. راح يحبّك لـ/الأخيـر ..
لو يقيّـده الزمـن بـحبـال نـار !




لو دروبه شوك .. وظلاله هجيـر ..
ما سكب فرقاه في كاسك .. مـرار !




والهوى لو جرح سكّينـه .. خطيـر
ومختفي مثل القمر .. وقت النهـار !



وما يشوفه غير من قلبه .. بصيـر
وفطنته في معصم أيامه .. سـوار !




ما يشيّب مثل .. تأنيـب الضميـر ..
ولا يمـوّت مثـل تقييـد الحـرار !!


ودي لكم
احساس