التفت لي ثانيه واسمع ياملاك ..
ودي اسولف على كيفي واقول
ابتديت العشق الاول من غلاك
اسبق الخطوه واجيك اركض عجول
مادخل قلبي من العالم سواك
وحدك الغالي وفي قلبي تجول
اخجلت شمس المحبه من سماك
والقمر من كامل اوصافك خجول
ارضك ارضي والسما عندي سماك
ياشتاء عمري وياكل الفصول
اطلب عيوني وانا كلي فداك
واعتبر ماتطلبه عندك وصول
لو يغار الورد الأحمر من شذاك
من يلومه لو تهادى للذبول
ياحبيب القلب جيتك بارتباك
رجفت الكفين مافيها ذهول
الكلام العذب مايلحق مداك
حسنك الجذاب يثير العقول
الحلا والزين ياعمري زهاك
لويضيع الوصف حسنك مايزول
الله المعبود سبحانه عطاك
امتلك الزين في كل الميول
ثغرك الرمان والموت بشفاك
من حلاك الرمش لاسلهم كسول
لمني بشويش وانثرني معاك
واسأل الخفاق يعطيك الحلول
ماسكن بالقلب وعروقي سواك
ياشتاء عمري وياكل الفصول