الحب كسّر حاجز الصمت وإجتاح
لين انتثر عطره على صفحتي بوح
قلب الشقا يتعبك لاضاح بأفراح
يضفي على لون الحزن ضحك ومزوح
ضاق بعصافيري فضاءات واجناح
حتى لقيتك يا منى غاية الروح
وأدخلتني في جنتك دون مفتاح
وأبعدت عن عيني شقا الدمع والنوح
ماقلتلك .... مابيننا حب أرواح
روحي تبي روحك وأنا معك باروح
إعزف لحن حبي مع الفجر لا لاح
وأنا بغني مع حمامات هالدوح
رتب تفاصيلي كرز توت تفاح
وازرع محطاتي قصص ورد وتفوح
ذوب جمود الثلج بالجمر ياصاح
وأرسم حنانك في يدي وأنت مسموح
مما راق لي...