ابشــر بعــزك لـو تبــي روح مغـليـك
فـي ذمتـــي تفــداك والعمــر فـــانـي
سبع البحوران جات وش قلت ترضيك
وان كان مـاتـرضيــــك خـذها ثمــاني
انت الـذي بالكـــون لــو تشــر يـديـك
تصـل لك حــروف القصيــد بثــوانـي
اضــرب عـلى الكايـد معـي لايهـديـك
مـال القصيـد الجـزل حــد ائتمــانـــي
ابكتبـك وارسـمّـك واطـرّبـك واهـديـك
لــين يتمــايـل عــودك الخــيزرانـــي
انـت المـــلاك ومـن يفكــر يبــاريــك
يفـقــد ثـقــة نفســه معــاك ويعـــانـي
يضيـــع مـن يمشــي حبيبـي حـوالـيك
حسنــك علــى كل المخاليــق جــانــي
وانـا احبـك واعشـقــك وافـتخـر فيـك
ياحــب مــالــه مـن جمـالـه مـــؤانـي
لامـــر ياســيـد المــزايــين طـاريـك
مـن كـثر مـاحبـــك يـزلــزل كـيـانـي
جيتــك ابـي قـربـك ولاجيـت اسـلـيـك
يافـرحــة سـنيـنـي وشــمعـة زمــاني
اخـذ الغـلا لك كاش مـاهو على شيك
ياللـي نســيت الكــون كلــه عشــاني
كان الغـــلا لك حــدنــي للـتهـالـيــك
المــوت واحــد مـايثـنــــى بـثــانــي
واذا اشــتعـل بالحـب لك قلب مغليك
تـذوب فـي صــدر القصيـد المعـانـي