لا تكبر الموضوع ما يحتاج تقنعني..
ما فيه داعي يلوم الواحد الثاني٠٠٠
ما عدت أنا أنفعك ولا عدت تنفعني..
افضل لي أبقى بعيد عنك وحداني٠٠
حاولت أجاري شعورك خفت تخدعني
قلبي دليلي وقلبي منك نجاني٠٠٠
ودي أعترف وأريدك بس تسمعني..
لا تقول كنا وكان وكنت تهواني٠٠٠
قلبن وهبته لقلبك صاح رجعني..!
حريتي بك وفيها أشوف سجاني٠٠٠
أهواك واهواك مدري من بها تعني؟
كم واحد قد سمعها قبل تلقاني..
كانك تحبني حقيقه وصدق ودعني٠٠
وانس زماني وأنا انسى منك ماجاني
تكفيني أعذار تكفى لا تلوعني٠٠
كلهن دمعتين إذرفهن وتنساني ..!