أنت ِالقمر أو القمر ما خذ ٍ منك
اشعاع نوره أو يشع منك أو فيك
أنتِ الحـلا أو الحـلا لك ومكنـك
من قلبـي اللي حبـك ودوم يغليك
أنتِ السعد أوالفرح ساس موطنك
أنت ِهـنــا والا السـعادة تبــاريك
أنتِ ذهب أو الذهب أصل معدنك
أو انــي من اجـل الغـلا تايه ٍفيك
أنت ِالبحر والا البحر فيه مسكنك
أو البحر يروي غموضه ويرويك
أنت ِوش انتِ من تبين انشده عنك
أنت ِلغــز يابنــت انا حـايـر ٍفيـك
لا انتِ منعتيني لاجـل امتنـع منك
ولا انتِ عطيتيني ولا قلتـي أجيك
يشتاق لك قلبـي وهو دوم يحضنك
والروح تفـداك وقسـم إنـي أغليك
أنتِ قصيدة روح لي كيف أدونك
أنتِ أساساً داخلي كيف أغنيك ؟!