من يقول إن القـمـر وده بـزيـنـك
وإن خـدك نـوره فالكون ساطـع
وإن عين الحر الأشقـر زي عـيـنـك
ياحبيبي كل ابـو هالشعـر ضـايـع
أنت لك روحك وإحساسك وطينك
لك هموم ولك طموح ولك دوافع
(الـخـيـال المـفـتـري) بيني وبينـك
ما يجيـبـه غـيـر شـاعـر دون وازع
و"اختـلاف الرآي" لو سبب أنيـنـك
مستحيل "الود يـفـسـد" ونـتـوادع
بس عمر الشمس ما صارت جبينك
والله إن الفرق ماهو بس شاسـع
لا تـبـري سـاحـتـي ولآ أديـنــك
بأنسف الماضي وبانعم بالمضارع
وأتركك مع نفسك تراجـع سنـيـنـك
وكانك مـطـول تـرى مافـيـه مـانـع
أنت راعي بـيــت واللـه لايـهـيـنـك
طف لمـبـة حـبـنـا لاجـيــت طـالـع