ابيك تقول بس الهم حبيبي ملفت الانظار
وشوف ان كان ماصارو بحبي لك يحسدونك
البسك القصايد ياحبيب الشاعر المغوار
تبختربعدها واقهر قلوب اللي يشوفونك
مادام الشعر تحت امري حبيب الروح لاتحتار
ابذكربعض وصفك لين اغيض اللي يغيضونك
عطاك الله عيونن ساحره يارب ياستار
من الحساد تحفضها ياسامع من يناجونك
وذاك المبسم اللي يجمع الضدين ثلج ونار
مادامه لك حبيبي ترخص الارواح من دونك
وشعرك مثل ليلٍ في سواده غنوا الشعار
سحرني من جماله لين صرت اليوم مفتونك
تعالي علميهم كيف زينك يبهرالحضار
ابي لاناظروا ذاك الحلا ماعاد ينسونك
ابنظم لك من بيوت القصايد ياغلاي اسوار
واحطه في يمينك جعل كل البيض يفدونك
وشوفي كان ماكل البنات اليوم منك تغار
بعد مايعرفون اني انا خلك ومجنونك