أحبك حبٍ اتجاوز هوى مجنون ليلى وزاد
ياأجمل ما منع عيني تنام وتهتني برقاد
ياأحلى شي في عمري غرامك مصدر الهامي
جمالك فالبشر نادر حشا ماهو حلى معتاد
عيونٍ تذهل الناظر خطيره ترمي سهامي
وخشمٍ مرهفٍ قاطع عليه الله صقيل وحاد
إذا شفته تراوالي حسامٍ قاتلٍ دامي
غرامك داخلي حره وسعيره فالحشا وقاد
ولا يهدى ولا يخمد ولو طالت به ايامي
أميرة خافقي انتي بدون منافسه وانداد
ولا هاين أبد قدرك مكانك معتلي سامي
جري فعروقي حبك وصار الدم له معتاد
ولا سده جرى فدمي سكن في مخ لعظامي
ألا ياحبي الراقي ويا الهام كل انشاد
عنود الصيد ياريمٍ تقود خشوف لاريامي
أحبك حبٍ اتجاوز هوى مجنون ليلى وزاد
ولا عنتر فشف عبله كثر ما همت بك هامي
خلاصة قولي احبك وانا في حبكم منقاد
وغيرك مالهم لزمه عدد زايد من ارقامي
لأن انتي سبب يمنع عيوني تهتني برقاد
وغيرك ماقدر يوصل مكانة مصدر الهامي
|