هموم الذكريات..
هموم الذكريات
لو تعب قلبي من ظروف الحياة
لو ظروف الوقت تقسيها السنين
لو رحل نور الأمل والامنيات
كيف بعده قادم أيامي تزين
لو بحور الحزن في عيني تبات
لو بقى حزنه معي في كل حين
ما قدرت انساك يا زين الصفات
كيف ابنسى وقلبي بيدينك رهين
ليت لحظه من حيا معها ومات
ليت من يصبح لها رمش وعين
من مهالك حبها ما من نجات
لو بشيد دونها حصن حصين
والله اني تايه ويش السوات
من يعيد العقل للراي الرصين
قصة تبقى تداولها الروات
ما خفى منها من اسرار تبين
كل ما حاولت تبديد الشتات
واجمع افكاري من شمال ومن يمين
يرسم الهاجس هموم الذكريات
لين يعبث فيني الحزن الدفين
غيركم ما عاد يا سيد البنات
يبعث الافراح بعيون الحزين
بلسم ايامي وفك المعضلات
عالج المجروح بكفوف الحنين
راقت لي هذه الابيات
الحريصي..
|