وين أنت ياللي عالمشاعر تسلطنت
واشغلتنـي عـن كل كائن ومخلــوق

من قبل أعرفك ماعرف وين اناكنت
ولاكنت أعرف ان الهوى قمة العوق

محتـاج لك لـوتسـمح شـــوي لاهنت
مليت المـح لك من الضيـق مخنـوق

مليـت أســولف عن تجافيك وايقنت
إن الـزمن لاحــس عنــده ولا ذوق

رابع ســنة مـرت وللحـين مـا بنت
لا ديمتـك ديمـه ولا بروقــك بروق

ضاع العمـر ياللـي بروحـي تمكنت
وأحنـا نـــردد كل مطـرود ملحـوق

إن كان ردت للمــراســـــيل هونت
لأن المراسـيل إنتهـت مالهـا ســوق

وإن كان ردت للأمــل خـير عـينت
إن أشـهد إني جيت للقـاع من فــوق

الـبـارحــة لا زان حظــي ولا زنـت
كن الحـزن طوق على ناظري طوق

وين إنت ياللــي في عــذابي تفننـت
بهديك بيت ما عـلـى غــيرك يلــوق

بهـديـك بيـتن كم سـنة فيـه هيجـنت
بيتن يســاوي ألــف معنى وطـاروق