ياكثر شوق العين والقلب والروح
كل الثلاثة شوقهم يا سع الكون
العين ترقب نظرت منك وتشوح
يمك عساك أتحن يادر مكنون
والقلب نبضاته سريعة ومفضوح
في غيبتك أصبح من البعد محزون
والروح يحدوها الأمل فيك وتبوح
بحساسها الي داخل الجوف مدفون
روح وجسد ياكثر مافيهم جروح
وترى الدواء عندك واكون ألك ممنون
يا مشغل فكري وياسامع النوح
صوتي وصلك وينتظر تعزف لحون
وعلى غصن قلبي سجع نايح الدوح
وردد صداه احساس مارده احصون
ولو تعتذر بظروف منته مسموح
ولاوالله اغفرلك بعد صرت مفتون
في كل شئ مرتبط فيك مملوح
حتى عيوبك شلتها داخل النون
واطرب لصوت فيه نغمه ومبحوح
وطيف ملازمني ترى وين ماكون
وعطر بقى في كف يمناي له فوح
ولاهتم بالعذال مهما يقولون
يلي رسمتك حلم وابني له صروح
عمري فدا رمشك ولك صار مرهون
ارجي من الله ترجع وتنعش الروح
ويفرح بك القلب وتهناء بك عيون