حبيبي روح لا تقعد عشاني لا بغيت ( تروح )
اذا ما عاد لك حاجه .. بوجودي / لا تجاملني
عشاني لا عشان الملح .. والعشره يا روح الروح
اذا دمي .. ثقيل اصبح بعينك ما اتحملني
تخير بالدروب وكل درب ٍ يعجبك مفتوح
وانا لا رحت عن عيني .. ابلقى من يوصلني
تعذر ..!! لا بلاش انك تعذر ابتعد مسموح
تراضيني سنين .. البعد كان البعد يزعلني
عليّ لا ينشغل بالك ولو كلي غديت : جروح
تهملني .. ربع واحبآب والله ما يهملني
ترى اصعب شي بالدنياا اذا صار الغلا مذبوح
بقلب اللي تحب وعاملك باللي تعاملني
احبك شي .. وشي ثاني خطاك ان قلت لك مدموح
تجاهلني وتبي ادمح خطاك انك تجاهلني ؟
احبك لو على قلبي دلالك ترتكي وتفوح
هذاك اول زمانن فات قبل انك تبدلني
بحب اللي تحبه صرت تنطر شوفته مشفوح
انا ادري من عيونك تفضحك لوّك تظللني
اشوفه في عيونك .. ياعيوني في سماك يلوح
اخذ نفس المكان اللي لجل يوصله نزلني
حبيبي روح لا تقعد عشاني لا بغيت تروح
انا ادري منت في حاجة وجودي لا تجاملني !!