لو هالمرض يقسم على اثنين .. والله
.......................... إني خشيرك بالمرض ما تردَّدت

ولو اِنّ جسمك اقدر آخذ محلِّه
.......................... قلت : انزلي عن هالسرير .. وتمددت

هاتي تعبك اللي تحسين .. كلِّه
.......................... أنا على شيل المتاعب تعوَّدت

شوفتك وأنت ِ واقفة ,, مِسْفهلَّة
.......................... هي شف عيني .. ما يهم لو تبددت

لا يا بعد كل الوجيه المِغِلَّـة
.......................... كثير أنا لكن بك أنت ِ .. توحدت

حبِّـك قديم .. وما يبي له ادلة
.......................... شوفيه بعيوني وصوتي .. لا رددت :

وجهك بصدري والمحاديب ظلِّه
.......................... ان راق اروِّق وان تنهَّد .. تنهَّدت
وجهك بصدري والمحاديب ظلِّه
.......................... ان راق اروِّق وان تنهَّد .. تنهَّدت
وجهك بصدري والمحاديب ظلِّه
.......................... ان راق اروِّق وان تنهَّد .. تنهَّدت