يازين صوت اللي على الجوال يازين صوت اللي على الجوال قالت لي الـو وانا وجوالي لراعي الصـوت رحّبنـا سـوا حوّل على قلبي مع الشريان محـوال الدلـو في قاع عدٍ ماحـه الميّـاح يـوم انـه روا كنّه يرشّ الكبـد شـلاّلٍ تحَـدّر مـن علـو يوم انها ضحْكت ولعب الصوت بغصون الهوا قالت عسى ماني بغلطانه وقلت الهـا ولـو مانتي بغلطانه وجوّالك علـى النمـره غـوا قالت اربّك حلو قلـت ابشّـرك مانـي حلـو واكشخ مع العالم لو ان الذيب في جيبي عوا قالت بعد طالب؟؟تـرا الطـلاب يامـا أملـو في فزعةٍ من عند رب الكـون شديـد القـوا والا معقّب من لهيب الشمس في راسك غَلـو وجهك من الشمس وحرارتها مع القيظ انشوا والا شريطي تاكـل العُربـان لامنهـم كلـو ودّك تحوش المال لو هو بين فلقـات النـوا والا على الخط السريع تنافس اللـي حملـو لاضاعوا الرُكاب منك ايجيك في راسك خـوا او عسكري تنقل زهابك كل مالجيـش نقلـو وان فاتك الطابور جا عندك مثل صفق الهـوا قلت اي نعم في العسكرية وان زعلتوا فازعلو على رقم عريف وعيوني علـى رقـم اللـوا والبيت والموتر على الاقساط والربع اكفلـو اثنين مسجونين والثالـث بعـد ماكـل هـوا ودخلت في الاسهم مع اللي قدّر الله وادخلـو واكلت فيها من الخساير شي فوق المستـوا وتحويشة العمر اخذوها اللي خذوها وارحلـو والبيـت والموتـر تولّوهـا حراميـة سـوا واليوم ماغير ابتسم واسلا مع اللي قد سلـو واحاول انسى كـل شـيٍ فـات ولاّ وانطـوا لايمكن استسلم ولا اول ول مع اللي ول ولو لو كان حظي لانخيته قـال لـي مالـك لـوا قالت عسى الله ينفعك موّل مع اللـي موّلـو مشاكلك واجـد ولاعنـدي لهـا طـب ودوا مانيب ابي لي واحـدٍ تـوّه يربـي لـه فلـو يهد طيره من صلاة الصبح وامسى ما اشتـوا حنّا نـدوّر للشبـاع اللـي تملّـوا وامتلـو لاكلّمتهم بنت جوهـا بالرصيـد ومـا حـوا استاذنـك يابـو مشاكـل يامعـذّب ياحلـو واحاول ادعي لك لامنها نامت عيون الجِـوا واقفت وانا انّس في جنوبي مثل مجْذاب الدلو في جال عدٍ ماحـه الميّـاح والحبـل التـوا دمتم بالف خير الساحل الشرقي