*******
الله مــن قـلـبٍ عـروقــه معـاطـيـش
..... كثر الظماء يبس مساني عروقه

***
فـي ثومـتـه مـثـلات دق المهابـيـش
..... والعين جازت نومهـا مـا تذوقـه

***
عليـك دقـات قلبـي تلفـي مطـاريـش
..... تصرخ الم يا طب قلبـي وعوقـه

***
كـل المشاعـر فـي غيابـك مجاهيـش
..... دمع الغلا مـن حبهـا لـك تروقـه

***
يــا بوثـمـان امـعـسـلاتٍ مـراهـيـش
..... قلـبٍ اسرتـه لا تضـيّـع حقـوقـه

***
يـا مـن اخذنـي بالعيـون المرايـيـش
..... وزيـنٍ تباهـا بـه وروحٍ خلـوقـه

***
بنـات جيلـك مـن جمـالـك مداهـيـش
..... منّك يغـارن والقلـوب امحروقـه

***
انـت مـن الدنـيـا وغـيـرك فلا بـيـش
..... يا عشقة القلب الحنيّن وشوقـه