صابر
اللي كتبه الله يبي يصير ياحمود
وانا على مايكتب الرب صابر
ماضقت من دنياي وايامي السود
لو كان اعز الناس وسط المقابر
هذا زماني والزمن عمر محدود
عابر مثل غيري من الناس عابر
ماشلت هم الوقت والرب موجود
حتى ولو حظي لك الله غابر
فاهم حدودي عارف النقص والزود
والفرق ماهو في الشكل في المخابر
الجود ماينفع سوى راعي الجود
اللي على الخيرات نفسه تثابر
والعمر لاراحت لياليه مايعود
مثل الكسر مايجبره كل جابر
الحي عن عمره اذا مات منشود
الله عليم وماعلى الله مكابر
ومن استغل وقته بالاذكار ياحمود
يلقى السعاده لو هو وسط العنابر