تصدقين ..!!
تخيلتك .. ونحت صورتك مجسم .. وقبلها رسمتك ..
وكانت تفاصيل مثيرة ..!!
لا .. لا .. اسمحي لي ما اقدر اقول ..
اخاف تقولين عني مهبول ..
والحقيقة اهي تفاصيل ما تنحكي ..
اقول لك ..
خليني اغيّر هـ الحكي
تعالي اقول لك الجانب الثاني المضيء
يمكن استر ..
الله يستر .. !!
تصدقين ..
لمحتك في وضع ...........!!
لا .. لا ما تصدقين ..؟!
ادري بتقولين كيف ؟!
ومتى ؟!
ووين ؟!!!

تذكرين ..؟!
وانت جالسه لوحدك تفكرين ..
جالسه فوق السحاب
بين القمر والكواكب تتأملين ..
في ظلام الكون
وبغرور تتسألين ..؟؟!
هل خذا من لون عيونك حبتين ؟
تتأملين ..
في رحاب الكون ..
وبغرور تتسألين ..
هل خذا من سعة صدرك شويتين ؟
تتأملين ..
في جمال الكون ..
وبغرور تتسألين ..
هل خذا من جمال شكلك نظرتين ؟
وسمعتك وانت لنفسك تتحدثين ..
وتهمسين لكل الخلايق
تتفاخرين ..
وتقولين ..
انتو وين .. وانا وين ..!!!
ساعتها شفت الانوثة بنظرتك
وصارت تفاصيل مثيرة ..!!