حبيبتي وشلـون اصبّحـك بالخيـر
وانتي صباح الخيـر والخيـر كلّـه
صبح الندى والعشب والغصن والطير
وصبح الغيـوم اللـي علينـا مطلّـه
انتي صباحـات السعـد والتباشيـر
علـى وجيـهٍ بالرضـا مسفهـلّـه
دامك صباحي وين مأروح و أسيـر
والله مـأدوّر فـوق راسـي مظلّـه
جيتي و صارت لك ضلوعي جماهير
ويتـل منّهـا شوقـي اللـي يتـلّـه
ومدام جيتيني فـأنـا حالـي بخيـر
لو كان جرحي ما أسترتـه الأجلّـه
جيّتك هذي غير وانتـي بعـد غيـر
مثل الوسـم لاجـا فـوقتـه وحلّـه
تزهـر بهـا قيعـان قلـبٍ مداهيـر
وتـرد معهـا روح خــلٍ لخـلّـه
يامرحبا ياأغلـى واعـز المساييـر
واغلى المشاعر ( بيت اهلها تدلّـه )
عـروق قلبـي لـك دلالٍ مباهيـر
صفيتـهـا دلّــه ودلّــه ودلّــه
تربعـي بيـن الحشـا والازاريـر
وأخذي علـى ترويقـة البـال فلّـه
والا أصبري بأطيّر القلـب تطييـر

وانتي تعالي واجلسـي فـي محلّـه
سقت الغـلا لـك والنوايـا مغاتيـر
ولاهمّنـي حقـد القلـوب المغـلّـه
مدري صباح الخير والا مساء الخير
بس المهم أن وجهـك الخيـر كلّـه



منقول