-*™£ منتدى آل شراحيل بفيفاء£™*- - عرض مشاركة واحدة

12-24-2012, 11:28 PM

مصر أمى .... مصر تبكى

مصر أمى
وليه ياخويه يابن أمى
تخلى أمى تنام حزينه
بالدمع تبكى
على إبن من ولادها ماشى يحكى
مصر حالها مش عاجبنى
ماسك سلاحه
يطيح فى عباده
من أهل بلده اللى حبوه
******
مصر يابنى دى حضاره
اللى عاشوا فيها يابنى يعبدوها
جبالها الصفرا خضروها
وبحورها ونيلها
بساوعدهم حفروها
وعلشان خيرها جم أعدائها
يابنى يغزوها
اللى بناه جدى وجدك
وقف أبويه وأبوك يحموها

*****
وبعد يابنى مارجعناهم مهزومين
رجعوا لينا تانى بأفكارهم
اللى زرعوها جوا عقولكم
ويخليكوا تشيلوا سلاحكم
وتهزو بيه أمن بلادكم
*****
شيماء دى طفله
عيون بريئه
من مدرستها راجعها سعيده
على أكتفتها شنطة كتبها
وماشيه تضحك مع زميلاتها
رصاصه غادره
أسكتتها إبتسامتها
وقف ليهم أخوك وأخويه
ضابط أمين واقف يحميها
وبجهدى وجهدك
انتصرنا والنصر أمين
رجعو لينا تانى بالكوكايين والهيرويين
واحنا كنا مانعرف
غير البوظه والإسبرين
*****
رجعتوا بثوره
وقلنا أمين
دول شباب مصر الطيبين
وقفتوا وقلنا وقفه شجاعه
وسمعنا منكم أجمل رساله
اتماديتوا
وكنتم بنزين
دخلت ناس ماسكه ولاعه
مش حب فيكم
ولا ود ولا شجاعه
دول هما اللى كانو بيغزونا
وهما اللى أدمانونا
وهما اللى بيكرهونا
******
مصر أمى
وليه ياخويه
يإبن أمى
تخلى أمى تنام حزينه
وتقولك يابنى
انتا حصنى وانتا أملى
وسالتك وصلت
وانتا سعدى
وبعد وقفه
كانت شجاعه
إرحمنى يابنى من مجاعه
دموعى يابنى مش شفاعه
حالة فوضى هتعم فيها
عدو جدى وجدك
واقف يابنى مستنيها
*******
تضرب أخوك
تشتم أبوك
طب دى حريه وحيات أبوك
مصر يابنى بيا وبيك
مصر يابنى بتناديك
دا عزوتها يابنى بيك
**********