ياحلو العمر الى من الليالي سولفت برضاك =
بعد عمري وش ايامي الى ضاعت ايامك
حبيبي ينتثر غيم المعاني من سما طرياك =
على طول المسافه والوله يرقص على انغامك
تغازلك الدروب اللي تمنى لو تحضن خطاك =
وتناهبك العيون اللى غدت تصحاك وتنامك
نشد عنك الخيال اقصى مداه ولاوصل لادناك =
ولادري تلبس وسام الحلا اوهو يلبس وسامك
تصور والبحر لو هو معاني ماوصل معناك =
حروف الكون تغرق في مدى حضوتك وزحامك
حبيبي والربيع اللي خذا منك الحلا واعطاك=
ورده على خدك وصاح الكون بخزامك
وسيف البرق الىسل المنايا وارتعش بشفاك =
تفز الشمس بثياب الضحى وتغيب بلثامك
يامجنون الحلا ماحلاك يامحلاك يامحلاك=
تدلل وش تبي مادام قلبي يطعن حسامك
تسافر للبعيد وباول دروب الحنين القاك=
اشك انك على دقات قلبي تنصب خيامك
تعال الشوق في دنياي يشرب من وله دنياك=
ومن طاريك يختال الحكي ويهيم بهيامك
معي سولف وهات من السواليف اولك واتلاك=
انا اسولف معك في غيبتك وشلون قدامك
حبيبي يابعد ذولا وبعد ذولا وبعد ذولاك=
ترى ايامي وحياتي ياحياتي كلها ايامك