غضت عيونـــــــــك
غضت عيونك ولا غضت عين من حبك وهاذابك
انتا ياللي روحك اتهنت يامتى روحي تهنى بك؟!
الجوارح كلها حنّت ظاميه تبكي على بابك
تخفي الأسرار مادلت هايمه نفسي وتشقى بك
ماعرفت وكيف لك اثبت حبي اللي ماقوى عتابك
شافتك عيني وثم سمّت لو شحيح الحظ مايابك
ان تمنت عيني تمنت ماتمنت غير تحظى بك
لوتسلت عنك مااتسلت وان غفت بالنوم تصحى بك.!
القوافي باسمك اتغنت مايموت الشعر يحيابك
منك ماملّت ولا كلّت دام تسكن صفحه كتابك
لو سنين ايامنا مرّت لو يشيب الصبر بغيابك
لو دموع ايامنا هلّت لا تبكي عينك أهدابك
نار شوقي في الحشى شبّت ماانطفت والروح تدفابك
ماتلبي لغيرك ولبت يامنادي قلبي اسرابك
لو سيوف العاذل انسلت ينهزم والشر ماصابك
لك سيوفي دونها مدت موت عذالي واحيابك
كم عين وعين لك ذلّت والأسد سيّد على غابك
شوف ياسات الامل طوّت حاسدي من وصلي يهابك
غضت عيونك ولاغضت عين من حبك وهاذا بك
انت ياللي روحك اتهنت يامتى روحي تهنى بك؟
|