هم وانزاح
حبك أحس إنه مثل [ هم و إنزاح ] .. وبتاج راسك عوّض الله فالي
واليوم إذا مريت في بالي يا صاح .. عزت علي نفسي ،! وعزيت حالي !
اناجي قلبي لاذكرت اللي راح .. وقول له دامك من الهم خالي
رح للي خان وقله [ البال مرتاح ] .. فيك وبلاك ابقى عزيز وغالي !
قلبي مثل حر غدر فيه تلواح .. من بعد وكره في الفضا والعلالي
لاكن عزاه ان الله خالق له جناح .. ان حل له هيبه وان طار عالي !
حبك حزن علمني كيف اجني افراح .. غلطه ومافي فالدنيا [ حد مثالي ]
وان كان طيبة قلبي جابت لي جراح .. مسموح ياقلبي ولتعيدها لي !
|