تعالي طالبك تكفين
تعالي ارسمي وجهك بقلبي يا بعد هالناس
تعالي طالبك تكفين تمشي في محطاتي
أخم الشمس بعيوني وبداخلي اضم احساس
واعانق كل زول مر واستوطن متاهاتي
عيوني تنثر الدمعات واسكن في بحور الياس
واروي البحر من دمعي الين اغرق جزيراتي
اطارد حسك واركض الين اصلك يا حساس
والاقي طفلتي تضحك واذرف دمع ضحكاتي
عذابي شرشح ضلوعي وزود فيني الهوجاس
وتضحك حلوتي وانسى عذابي وكل حسراتي
هي الجمهور للخافق وهي الفزعه وهي النوماس
وهي العزوه وهي الخلان وهي شعري وكتابات
اسولف للمطر عنها واحاكي الغيم والنسناس
وادورها بوسط النور والاقيها بظلماتي
صبغت الكوكب الاحمر وصرقت من السما انفاس
وشعلت من النجوم اسراج اضوي به ممراتي
خذيت من الوهم جرعه وقطفت من الخيال الباس
وسلكت الحل والترحال اجمع منها شتاتي
كتبتيني بوسط الليل ومليت الحبر بالقرطاس
سود الليل بغرفتي ويعرقل لي طموحاتي
فقدت العقل والمجنون الي منه سكت ما حاس
وانا مجنون ما يسكت ولا حدن قوى سكاتي
اتابعها وتتبعني واراقبها بوسط الناس
واطاردها بوجه الغيم واصدم في مجراتي
تعالي ياهوى المغرم تعالي يا ونس هالراس
تعالي واسي الاعمى وكوني سراج ظلماتي
تعالي لي نسيت اضحك ابشرب من فرحك كاس
ابروي منك لين اروى لو انك نهاياتي
|