شفتها يافلان صدفه بعد ما غابت سنين
عند قسم المختبر وسط مشفى الجامعه
جيتها ثم قلت ممكن في سؤالي تسمحين
ناظرت فيني بدهشه نظرة(ن) متواضعه
قالت انت تحسبني من البنات الصايعين
تحسبني في زماني عن طريقي ضايعه
قلت انا ماراح اطول كل ابوها كلمتين
وابعدت عني شوية ثم جتني راجعه
قالت اسأل0واضح انك من رجال(ن) طيبين
بس هرجك يالسنافي كان وشهو دافعه
قلت انا حبيت وحده يوم كنا صغيرين
ومن ثمان سنين راحت للمواصل قاطعه
عقبها ما ذقت نوم(ن) يهتنيه النائمين
ساهر(ن) طول ليلي لين شمسي طالعه
اذكر انه فيه حبه فوق ثغره من يمين
واذكر انه لاجرينا كن شعره تابعه
واذكر انه عاشق(ن) فالورود الياسمين
صار قلبي بالورود اللي عشقها زارعه
طابع(ن)اسمه بقلبي فيه (لام)وفيه (غين)
وفيه (الف) وفيه (ياء) وسط قلبي طابعه
قاطعتني بقولها سبحان رب العالمين
كررتها مره ومرتين وثالثه ورابعه
قلت وش فيك وش بلاك يابنيه ترجفين
ليش عينك يابنيه من كلامي دامعه
قالت الموقف وقلبي والمحبه والحنين
كيف اشوفك بعد ما كنت عنك قانعه
قلت انا بسألك ان كانك انتي تذكرين
عن مواثيقه ثمنها من حياتي دافعه
قالت ظروف الزمان ماتطيع العاشقين
باعوني عقب حبك لو انا ماني بايعه
انا في دنياي حالي كنها حال السجين
حتى لو فكوا سراحه فيه شيء مانعه
زوجوني غصب واحد وحرموني حاجتين
السعاده في زماني والحياة الرائعه
والحين انا ام لثلاثه عندي ريم وياسمين
والولد اسمه على اسمك والمشاعرجايعه0
([{مـنـقــــــــولـــه}])