قهويتني من حلو الابيات فنجال
يا وي فنجالن تسوقه يمينك
بالخير يا بادع جميلات الامثال
وانا باغني لك على شان عينك
عشاك عندي م التفانين موال
وانا وشعري يالغلا واصفينك
يا كثر ما نلقى مع الناس الازوال
لا شك احاسيسي ترا قاصدينك
طلوح لي الاصوات يا طيب الفال
وارجي عسى المولى لليلي يعينك
كم ذا تغير لي م الابيات الاحوال
يا بوح انا بانشدك يا وين وينك؟
كم استقام الحظ ومن عقبها مال
وين انت جاوب للذي فاقدينك
وقفت بالشاطي واصورك باقوال
وكني سمعت الموج يوصل ونينك
هو انت حي(ن) تلبس البشت والشال؟
والا طواك من المطاوي سنينك؟
صورة جمالن ساكنة وسط رجال
ياوين يا صوره بعيدة مدينك
الياس عقبك قام ياكل م الامال
وليومها يصرخ بالاضلاع زينك
مذكور بالخيرات طوقن وسلسال
مع حب خال ينرسم في جبينك
تغني مع الممشي برجليك خلخال
واسوار غنت من جلاجل يدينك
م/ن
تقبلو خالص تحياتي......