خاوا جروحه وخلاهـا علـى ربّـه
ذي آخر أخبار (قلبي) يا مشاويري

**
اكله ذهول !! وهبـوب الغبنـه تهبّـه
مغبون . وعتابه اصدق من معاذيري

**
القلب (مركب سهر) والريح تلعبـــه
والموج ما يرحم ذنوبـي وتقصيـري

**
والحب : غبّه ورى غبّه ورى غبّـه
فقدت فيها ثـلاث اربـاع تفكيـري!

**
مرات اقول الخطا مني وانـا السبّـه
ومرات اقول السبب قسـوة مقاديـري

**
واعيني اللي تهـل الدمـع وتصبّـه
على فراق ٍ سرق فرحـة تباشيـري

**
تقول سامح زمانـك والحـزن خبّـه
واقول منهو يعوضنـي مخاسيري؟

**
وشلون اسامح زماني واللـي آحبّـه
خذاه غيري وانااولى فيه من غيري!