-*™£ منتدى آل شراحيل بفيفاء£™*- - عرض مشاركة واحدة

11-11-2009, 09:19 AM

لون ازرق

يشبه الوان السما في فجر هادي

يشبه لموج البحر وقت العصاري

يشبه حروفي اذا جاتك تجاري

يشبه لحبي وحبك وهمسنا في ليل دافي

يشبه نجوم السما والليل ساري

لون وردي

يشبه الوان الورود في يوم زاهي

يشبه النسمه اذا هبت من ديار الحبايب

يشبه لبسمة طفل والدمع حاير

يشبه لصوتك عبر كل الوسايط

يشبه ليومي وامسي وحاضري لو كنت غايب

لون ابيض

مثل قلبك يحتوني ويحتوي همومي اذا ماكنت اعاني

يشبه لضحكاتنا في يوم عادي

يشبه لكل الكلام الي نقوله يوم تحكي لي عن اخبارك

وانا بصمتي اجاوب

يشبه لشوقي وشوقك للقا والشوق حاضر

لون اخضر

يشبه الفرحه اذا جتنا بمعاني

يشبه للون العلم والنصر دايم

يشبه الوان الشجر والريح عابر

يشبه اغصان الورود يوم تحضنها النسايم

يشبه لحبي وحبك وهمسنا في ليل ساري

لون احمر

يشبه الجوري وريحه يوم تهديني وانا كلي اماني

يشبه لشريان يجري فيه حبك عبر دمه ويرسله قلبي لقلبك

حبنا به دوم عامر

يشبه للون الضياء في ليل ساهر

يشبه القمرا وهي ترسل على الارض البشاير

يشبه الغيمه اذا ترسل عباير

هذا حبي لك عبرته بالواني عسى ياصل

لااحساسك وقلبك تقبله والشوق زايد