رسمتك صوره للفرحه ولونتك بنور الحب
خجل من صورتك همي دقايق شفت راحاتي
خساره روحي وارباحي في ضماتك ترى المكسب
في قربك يهتني قلبي وبعدك هم وآهاتي
على شانك حلف قلبي يشيل الهم مايتعب
وروحي عاهدت عيني تعانق موق عبراتي
عشانك ياذهب وافي حنان الود لو يلهب
احبك وازرعك ورده جميله بمنتزه ذاتي
حبيبي يانظر عيني غصب عنك ترى تنحب
عيونك بسمتك تجذب وتبعد كل علاتي
عشان عيونك الحلوه بنيت بداخلي منصب
وفي قلبي اتعلى حبك وخاوى كل نبضاتي
فداك الروح ياروحي وعيني والعمر والقلب
طلبتك واطلبك لويوم فلا تهجرمحطاتي
اذا فكرت تنساني وتكسر خافق(ن) لك حب
انا ارضى بكسراتك ولكن في مساحاتي
اشيل الهم واتعذب بقربك واقترب واقرب
في بحر عيونك اغرق فلاتسمع مناجاتي
كفايه المحك يمي تشاهد غرقة المركب
احبك لآخر انفاسي وارددها بصرخاتي