عقرب الساعه قتل صمت الثوانـي
والغياب المنتظر قـرَب حضـوره
قبل تتركنى على هامـش زمانـي
اسمح لقلبي ..يعبر عـن شعـوره
كنت شي ..وصرت فجأه شي ثاني
دار دولاب الزمن فيك ..الف دوره
في حضورك كان للضحكه معانـي
تخفي طيوف التعب لحظة ظهـوره
يوم اجيلك في مكانك مـن مكانـي
اسبق اشراق الضحي لاشع نـوره
كانت البسمـه ..تزلزلـى كيانـى
ما استمع فيها مـلام ولامشـوره
مركبي هايم .. وهى مرسي الامانى
وفي شواطيها بذر حبـي بـذوره
وابتديت ابدع لها الحان واغانـي
ارسم الفكره على مليون صـوره
ماعلي قلبـي .. يغنيبـه لسانـي
اسبر اغوار الهوى واقطع بحوره
لين ذاب الشمع وسط الشمعدانـي
وانجرف قلبك ورى نزعة غروره
يامساومنى على (عمرى) ..تراني
ينكسر ..قلبي ..ولا أجبر ..كسوره
من شموخى ياخذ ..سهيل اليماني
والزهر ياخذ بعد ريحـة عطـوره
==============