يسعد صباح معاتبك وجراحك.
يسعد صباح معاتبك وجراحك
زعلت قلبك خذ بثارك .. روّق
ان كان شرهات الغلا تجتاحك
أنا لصبح مهاوشك متشوّق
رفرف على صبح الرضى بافراحك
شاعرك بسلاك الأسى متطوّق
كم لي وانا أهيجن حلا تفاحك
وانت الشعر والملهم المتذوّق
اقول وينك لفني بجناحك
مليت من شوك الحزن أتسوّق
صدري تفتفت من سهام ارماحك
يالجارح اللي بالرمي متفوّق
صبحي حزين .. وخاطري ما باحك
من غبت صبحي مكتئب ومعوّق
ويلك من الله لا تزيد جراحك
نبكي سوا .. والا جميع نروّق
لـ سعود الشبرمي
عجبتنــــــــــــــــــــي
عابرسبيلღ
|