لاغاب صوتك طاري الشوق ماغاب
وأشفق على همسك ، ولذّة طواريك
وحكي الغرام ، ومسمعي منك لاذاب
وأحلامك الورديه ، وصدق أمانيك
وحَضن الندى للزهر بأسباب العتاب
ومجادلك ، ومعـاندك أو تحدّيك
إنت حياتي .. والرجافيك ماخاب
وإني أحبك موت .. وأتبع خطاويك
وأقول : أنابتعبك في درب الأحباب
دامك ضياء الدرب والحب يضويك
لأنك حياتي ياغناتي وأناكتاب
وحروف إسمك تسكن أوراق مغليك
أحيان .. يعزف بك غلا.. يقفل أبواب
وأحيان .. يعزف بك إذامر طاريك
من الوله مايسكب أكواب وأكواب
حلو المعاني مع صدى عزف هاويك
وأسقيك عذب الشعر وأسقيك ماطاب
من الكلآم اللي تحبه ويرضيك
ونسهر على بيض النوايا، والإعجاب
والشوق ، والحب الحقيقي ، وأغانيك
لكن متى ترجع .. متى الدمع ينساب
وينك ترى طول مفارقك .. وش فيك
تعال .. أبحكيلك .. معاناة الغياب
تعال .. أبشكيلك .. عنى .. شي يعنيك
قلب ٍ عطى كل البشر كلمة .. أغـراب
وسمّآك بس إنت القريب .. وحواليك
طارت من أعماقه .. أحاسيسه .. أسـراب
وصرت السمآ .. لاصدق أحاسيس .. تغنيك !
لآيطول غيابك .. ترى الشوق ماغاب
وببقى كذا .. مشتاق .. لين ألتقي فيك
دمتم بألف خير