يابنت ياللي تطلبين الاضـافـه *** انا اعتـذر ماني مـن اللي يضيـفـون
امشي على درب النقاء والنظافه *** ولاني من اللي للحبايبـ يخـونون
يابنت من يتبع هوى النفس آفه *** والبـهـرج الخـداع مـاهوب مضمون
دربً ماهو للزين نفسي تعافـه *** خلي عساه من الحسد دوم مصيون
ما احـب انـا درب الخطاء واقتـرافه *** ترفـقـي بالـنفـس بالهـون بالهـون
حـتى ولـو انك تمـدي كنـافـه *** مع لـوز مع تفاح بالحيـل يشهـوون
الله تـرى فـوقـي وفـوقـك نخافـه *** ومـن لا يخـاف الله يـابنت محزون
اغناني الله عـن كلام السخـافه *** باللي بها قلبي مع العـقل مفتون
مكمـلـه حسن وجناب ولطـافه *** والـدين والاخـلاق والعـقـل موزون
وانا اعترف فيني صمـود وجـلافـه *** لكن مع الغـالـي على مـا تحـبون