رد: جديد رواية سقطت بأخطاءي واتعذبت بأسوارضياعي **^
’ْ~,ًٌٍُِ ْ,$،ًًٌٍ‘,’~#$~ٍِْ،’ْ~’ الجـــــــــــزء الســـــــــــــــــــــــــــادس ْ,’ْ~,ًٌٍُِ ْ,$،ًًٌٍ‘,’~#$~ٍِْ،’ْ~’
قربت للمبنى اللي من سميت بدون صبغ بوية .........
وناظرت الاولاد الصغار يلعبون عند الباب واستغربت وهي تمشي تبي تقرب اكثر
مشت وهي عطشانة وقربت لللاولاد الصغار لابسين ثياب بيض ، وهي تناظرهم بعيونها الذبلانة
قربت لولد وتكلمت بصعوبة من االعطش : لو سمحت روح جيب لي موية؟
ناضرها الولد الصغير بغرابة وخاف وركض مسرع لداخل المبنى
والاولاد الصغار يناظرون رحاب بندهاش من شكلهااا،، جاء الولد الصغير وبيدة كاس موية قرب لرحاب وعطاها الكاس
واخذتة منة وشربتة بسرعة من العطش : ااااااةةةة عطشانة
وعطت الولد الكاس : جيب لي موية عطشانة
واخذ الكاس الولد وراح يركض يعبية وجاء لها وعطاها الكاس وهي اخذتة منة وشربتة
عطت الولد الكاس : مشكور
دارت بعيونها وهي تناظر اللي حولها : المبنى هذاا ايش ؟؟
الولد الصغير يناظرها ويأشر على المبنى : المدرسة اللي ندرس فيهاا
رحاب ناظرتة بتسأأل وهي ناسية كل شي : مين اللي يدرسكم!
الولد يبتسم ببراءة : المدرسين
الولد الثاني ببراءة اكثر وهو معلي صوتة: استاذ عمر يدرسنااا اكرهه
رحاب اول ماسمعت الاسم صدع راسها،، تبغى تتذكر وش هاالاسم يعني لها في حيااتها مو قادرة : هم هنااا
الاولاد يصرخون ويلعبون عند باب المدرسة اللي بالقرية ،،
رحاب عليها عبايتها بس مغبرة ونقابهاا اللي متشقق !
طلع سواق باص الطلاب ،، وهو هندي ،، ناظر رحاب بستغراب وقرب لها
الهندي : انتي ليش يجي هناا
رحاب تناظرة بخوف : وش دخلك (( ااة يارحاب تذكري شي ابي اعرف من انا وش انا ولية هناا ))
الهندي يسال الاولاد : مين جاب هذا بنت من وين يجي!؟
الولد : يجي من بعيد !
الهندي ابتسم وناظرها وسحبها مع ايدها وهي تصرخ : ااتركني ، وتسحب نفسها عشان مايسحبها
وهوسحبها بكل قوتة وركبها باص الطلاب ، باالغصب وشغل الباص وهو ماسكها بكل قوتة ومشاا الباص
وهي تبكي بأأأألم ،، وهو يمشي بالطريق : لايصيح انتي مين !
رحاب ناظرتة ونقابها مليان دموع مقهورة : لاتتدخل (( وجسمها صار نحيف مرة لانها مااتاكل ))
الهندي طلع جوالة من جيبة وفتحة ويكلم : الو مرهبا نواف كيف الهاال انا يجيب مفاجاءة لك !!
اايوة ايوة معي ، بس في شرط يعطي انا فلوس
الحين انا في طريق طيب مع السلامة ...... وناظر رحاب وهو يبتسم
وهي تحاول تتذكر شي بس مقدرت !
وصل الهندي بعد ساعتين للاستراحة ودخل الباص لللاستراحة ،، وسحب رحاب ونزلها ، وعطاء نواف الهندي فلوس وراح
وقرب لها نواف وهو يناظرها : ااسمك ؟!
ناظرتة بقهر : مااعرف
ناظرها وضحك : هههههههههههههههههه في احد مايعرف اسمة !
رحاب التفتت عنة : ااية اناا ونادني أي اسم تبغاة (( سمعت صوت بطنها يمغصها من الجوع ))
والتفتت وناظرتة : جوعاانة ماعندك اكل؟!
نواف : تعالي معي ( ودخلها لداخل الاستراحة .... وعطاها اكل وهي ميتة من الجوع ))
نواف : هذي غرفة لك اجلسي فيها
رحاب وهي جالسة على الارض وفاتحة نقابها وتاكل وهي ميتة جوع : طيب
نواف ناظرها وطلع وسكر باب الغرفة
ناظرت رحاب الغرفة ودموعها استسلمت وسالت على خدها : ابي اتذكر من اناااااااا
اخذت قطعت الخبزة بيدها ودخلتها بفمها ، ومضغت االاكل بفمها ، وغمضت عيونها وسالت دموعها
وهذا حال رحاب ... واخذت بيدها كاس الموية تشربة ..
************************************************** *****************
في بيت ابو عمر
باالمجلس
جالس عمر وياسر
عمر بيدة فنجال القهوة: قول فكرتك؟
ياسر ناظر عيون عمر واخذ نفس عميق : ركز معي ولا تقاطعني انت بتروح لثامر ومعك شنطة فيها 100 الف ريال
وتترجاة وتقولة انا بسافر وطيارتي بتطير الحين مقدر اتاخر ارجوك ساعدني ، وعطة الشنطة السوداء اللي فيها الفلوس
وقلة الشنطة هذي امانة،، وقل لثامر انتضر ياسر حتى يجي ويااخذ الامانة
واذا جاك واحد اسمة ياسر عطة الشنطة الامانة وروح واركب سيارتك وروح ،،
وانا اتصل على الشرطة وابلغهم بسرقة شنطتي اللي فيها 100 الف ريال ،، وهم بيجون لة واذا شفتهم قربوا للسيارة
جيت لثامر اكلمة ،، وهم يجون الشرطة ويمسكونة متلبس .....
وبعد مايمسكونة متلبس اقول انا للشرطي ، انا راكب معة يوصلني مشوار وانا قلتلة في الشنطة فلوس ووثقت فية
ونزلت ونسيت الشنطة ورجعت لة بعد مافقدتها وهو انكر انها لي
عمر ناظرة وابتسم وقام يرقص : ماشاءالله عليك ياياسر حليتها متى نسوي العملية؟!
ياسر ناظرة :هههههههههههه مستعجل ماكملت لك كيف ناخذ منة الصور
عمر ابتسم : كمل اسمعك
ياسر : بعد ماينسجن وحنا مانتنازل نقولة قلنا مكان صور اختك
ولا مو متنازلين وبتنسجن ثلاث سنين اختار ،،، وحنا بنقول للشرطة نبي نفتش بيتة لانة معة صور مخلة نكذب
ونروح نفتش كل البيت تفتيش! ولو تبي ياعمر حرقنا البيت وش تبي بعد ! هههههههههههههه
عمر : والله فكرة حلوة لية مانحرق بيتهم مثل ماحرق قلبي
ياسر فتح عيونة : هههههههههههه وناظرة : صااااحي انت !!! كان انت في السجن بتموت نااس عشان صور
ماقدر اشارك بجريمة الشرطة بتكشفهاا!!
عمر : طيب متى ننفذ المهمة ؟؟
ياسر ناظرة بقوة ارادة : بكرا وانت جهز الفلوس والشنطة ؟
عمر : ان شاءالله
************************************************** ************
في المزرعة
العصر
ام حسن جالسة في الصالة تتقهوى
حسن جاء وجلس بجنبها واخذ نفس : يمة الا ابي اسألك عن رحاب ماجت لابو هند؟!
ام حسن ناظرتة بعيون حزينة : سمعت هند تقول عمر طلقها ومدري لية ماجابها لنا!
حسن بتسأل رفع حواجبة : طيب لية مايسالون عنها ابو عمر؟
ام حسن تناظرة وتميل شفايفها وعصبت : ولية مهتم فيها جت ولا لا ،،حتى لو جت وعرفنا اسم اهلها ماابغاك تاخذها لانها كاانت حامل!
حسن قرب لامة وحب راسها : يمة لاتزعلين البنت وحبيتها وبعدين هي تزوجت اللي غلط معهاا وخلاص مااصار شي ان شاءالله
بس تطلع وانا بتزوجها ،، وناظر امة وهو يضحك ويطلع لسانة : ههههههههههههههه
ام حسن تناظرة وتضربة على ضهرة : هههههههههههههه تدري اني بعصب من كلامك هههههههههههه
واخذت بيدها فنجال القهوة تشربة
************************************************** ****
في بيت ابو عمر
عمر في غرفتة
عمر يكلم ياسر : بسألك؟؟
ياسر : أسأأل؟؟!
عمر بتسأأل : اسأل البنت اللي كانت تهددني لية انا ماقدرت الحقها يوم كنت اراقبها ! ولحقت العجوز اسألهااا!!
ياسر ضحك : ااية انا سألتها !
عمر بدهشة : أيــــــــش قاالت ؟؟!
ياسر : قالت انها مو هي اللي جت ثامر اللي جاء وحنا كنا عارفين انك بتراقبنا ،،فرش ثامر سحر على المحل عشان كذا
انت ماميزت من اللي اخذ الفلوس ! هههههههههههه
عمر بدهشة : ااوووة والله اني ضيعت ذاك اليوم وانا اركز ههههههههه
ياسر : ههههههههههههههههه الله يحفضنا منهم
************************************************
بالاستراحة ** ليلا ** الساعة التاسعة **
نواف راح للغرفة اللي حط فيها رحاب
نواف دخل الغرفة وهو يناظرها : اااقول اجلسي اكلمك عن المطلوب منك !
رحاب جلست بعيد عنة باالزاوية وتناظرة بخوف : جلست وش تبغى ؟! ( لابسة عبايتها ))
نواف اخذ نفس وهو ياشر بيدة: اسمعي شغلك هنا بالاستراحة هو التنظيف والطبخ
ززين ومااابي أي تقصير من بكراا اشوف كل شي يلمع مفهوم...
ولا ضربتك ضرب اذا مانفذتي اللي قلتة مفهوم
رحاب انرعبت منة وجسمها يرجف : طيب
نواف قام وهو يناظرها : وش اناديك بااي اسم !!؟
رحاب بنفسها : (( ياليت اتذكر اسمي ))
نواف ناظرها وعقد حواجبة ويأشر بيدة عليها : وش فيك سكتي ،، وطول صوتة ،،: وش اااااااسمك ؟؟؟!!!
رحاب ناظرت عيونة بخوف وهي ماسكه راسها : مدري مدري! ... وشدت باطراف اصابعها على راسها من الالم
نواف اخذ نفس وهو يناظرها ! معقولة ماتعرف اسمها لايكون صدق ماتتذكرة!
نواف : انتي ماتذكرين اسمك ؟!
رحاب : ااايوة مااذكر شي !
نواف بأندهاش رفع حواجبة : ولاشي عن حياتك !؟
رحاب : مااذكر والله مذكر ! لقيت نفسي باالبر ووصلت لمدرسة اولاد صغار واللي جابني لك الهندي هذا اللي اعرفة !
نواف : انتي فقدتي ذاكرتك !
رحاب تجمعت الدموع بعيونها والعبرة شادة على شفايفها : ااية مااتذكر شي قبل ،، مسكت راسها لانة يألمها
نواف ناظرها متأكد : طيب بناديك بااسم من عندي وش رايك ؟
رحاب : طيب
نواف يحك راسة يفكر : ممممممممم بناديك فجر
رحاب : طيب
طلع نواف من الغرفة ، وجلست رحاب تبكي ، واذا فكرت يألمهاا راسهاا
************************************************** ************
** في بيت ابو عمر **
ابو عمر يكلم ابوهند باالتلفون : ااية عمر وصلها لكم للمزرعة ماجت لكم !!
ابو هند ضاق صدرة : لالالا ماشفناها اسأل عمر ؟!
ابو عمر : لحظة انادية وارجع لك
ابو هند : طيب
ابو عمر راح لعمر وهو قدامة : انت ماوصلت رحاب للمزرعة ؟!
عمر ناظر ابوة بعدم اهتمام ، وفتح عيونة ورفع حواجبة وابتسم : الا وصلتها عند الباب مو عندهم !
ابو عمر : لالاتكذب اكيد انت ! موصلهاا؟
عمر ناظرابوة ببراءة : ايوة موصلها عند باب مزرعة عمي وسالتها يوم نزلت بتسكنين عندهم قالت لي لا وانا مشيت عنها!
ابو عمر ناظرة وعقد حواجبة وهو يلتفت عنة ويمشي : غريبة لية يعني هربت !!
عمر مشااا بجنب ابوة : اتوقع انها هربت !
ابو عمر وصل للصالة واخذ التلفون بيدة : هلا ابو هند سألتة ويقول انا موصلها عند الباب ! ويقول اني سألتها بتسكنين عندهم قالت لا!
ابو هند بأندهااش : غريبة ! على العموم مشكور والله يستر عليها وين ماراحت
ابو عمر : العفو
ابو هند : مع السلامة
ابو عمر : الله يسلمك
************************************************** *******
ياسر كلم عمر عشان يسون الخطة مع ثامر
وسواا كل شي باالضبط مثل ماخططوا لة ،،
ومسكوا ثامر متلبس وشهد على الجريمة ياسر و عمر ،، وشنطة الفلوس رجعت لهم
وهم في السجن جاء ياسر وعمر يكلمون ثامر ،،
ياسر يناظر ثامر : قولنا وين الصور بنتنازل عنك سنة ؟ بدل مايصيرون ثلاث نخليهم ثنتين ؟
عمر معصب ويناظر ثامر : الصور وين مكانهم ؟؟!
ثامر ناظرهم ببرود : لاتتنازلون والصور مو واصلين لهااا!
عمر عصب : بقتل انا هنااا
ثامر : هههههههههه اذا فيك خير سوهاا
ياسر ناظر عمرودفة مع ايدة يعني اسكت،، وناظر ثامر : اسمعني اذا ماقلتلنا وين الصور بتسمع بخبر وفاة اهلك كلهم بنحرق بيتكم !؟
ثامر خاف يسوونها : خلاص بقول الصور تحصلونها بغرفتي وباالدرج
ناظرة ياسر بتحدي : ياويلك اذا كان عندك نسخ وماقلتلنا عليهاا بنضاعف لك السجن الى سبع سنوات!
ثامر خااف وبصوت حزين : لالالا بقول عندي نسخ بشقتي اللي مع الشباب ، وبغرفتي بالبيت بوصف لكم شقة الشباب وروحوا لها
ياسر ابتسم : زين وصف لنا ؟
وبعد ماوصف لهم ،، انتهت الزيارة وكلموا الشرطي على انهم يفتشون البيت ودخلوا عمر وياسر وحصلوا الصور بغرفة ثامر كثيرة
وراحوا لشقة الشباب اللي وصفها لهم ثامر ، وفتشوها ماخلوا شي وحصلوا الصور واخذوهم معهم ،، ومن قبل اخذوا الصور اللي
مع البنت ............
وعمر اخذ ياسر معة للبيت يعزمة على العشاء ويشكرة على اللي سواة معة ،،،
واخذ الصور هو وثامر وحرقوهم باالنار ورجعوا للمجلس يتعشون
وبعد ،،،،،،، ماطلع ياسر من عند عمر راح عمر لغرفة دلال ....
وطق الباب عليها وفتحتة وناظرها بنظرة استحقار والتفت وسكر الباب وجلس على السرير وناظرها وابتسم : اجلسي اكلمك
دلال ناظرت عيونة وهي خايفة منة : وش فية
عمر يبتسم : الحمدلله انحلت مشكلة الصور وطلعناها وحرقناها ارتاحي وساعدني ياسر الله يعافية بخطتة
دلال رمشت بعيونها وقربت لعمر : صااادق
عمر اخذ نفس : ايوة صادق والولد باالسجن
دلال اخذت نفس برتياح : الحمدلله الله يعافيك
عمر ناظر عيونها بتسأأأل : كيف طلعتي معة ؟!
دلال ناظرتة وتجمعت الدموع بعيونها : وحدة صورتني باالجامعة وعطت ثامر الصور وهو وراني الصور وبدا يهددني فيهم
وانا طلعت معة ودخلني للشقة باالغصب وماكنت ادري انة يصورني
عمر : الحمدلله المرة هذي عدت على خير وانتبهي لنفسك المرة الثانية
دلال ناظرتة وابتسمت بفرح: مشكور ياعمر
عمر ابتسم : العفو
************************************************** *********************
** في بيت ابو تركي**
تركي يكلم طارق باالجوال : ااية الحمدلله جهزنا كل شي
طارق : اية بعد الزواج بسافر ادرس دكتوراة تروح معي ؟
تركي : تدرس دكتوراة برااا ؟
طارق : ااية اتمنى اكون دكتور وابي اختك تروح معي؟!
تركي ابتسم : على راحتك وانا مااروح معكم بس شسوي ببوي هههههههههه
طارق : ناخذة معنا ههههههههههه
تركي : هههههههههه رحلة هي ! لاانا صعبة ابوي مقدر اخلية
طارق : على راحتك
(( عمرو تركي وطارق تخرجوا من الجامعة ))
************************************************** **************************
رحـــــــــــــــــ؛ْ~ٍ"ــــــــــــــــاب واسمها ،، الجديد ......فجر .........!!!
{{{{{ انـــْ،؛ـــا فـــ؛ُْــــي وســــُْ,,‘’؛؛ـــــــــــــــــــــط الضيـــــــــــْ’,‘؛,ٌْـــــــــــــاع ....
اسبــــْ،؛‘~‘؛,ْــــــــــــــــح وامــــــــــــــــــــــ؛~ْ,"؛’؛‘ًٍُِ‘ْــــــرح باالجـــــــــــــــــــْ؛"‘؛ــــــــروح ........
والالـــــــــــ؛‘؛ْـــــــــــــم يقتـــــــ؛‘؛ْـــــــــــــل قلـــــــــ؛‘"ْ؛ـــــــــــــــبي ويلـــــــــــــــ؛‘ٍُِْ،"؛ـــــــــــــوح ......}}}}
************************************************** ************************
في الاستراحة
(( رحاب طول اليوم تشتغل بالاستراحة تنضف وتغسل الصحون وتغسل الفرش وتسقي الحديقة وتكنس وتمسح وتعبت من الشغل ))
( وبعد ماخلصت رحاب شغل دخلت الحمام تتحمم وغسلت ملابسها اللي عليها ولبستها ،
وبعد ماتحممت وطلعت ، وهي باالغرفة تحس بارتياح ....
المغرب الساعة السابعة ،،،
نواف جالس ومعة الشباب بغرفة الجلوس وقام يروح لرحاب : فجررر
جت لة : نعم
نواف مسكها ودفها وطاحت على الارض : وين الشااهي بسرعة سوية
رحاب : طيب ، ،، وقامت و وراحت للمطبخ وسوت الشاهي وعطتة نواف
وراحت للمطبخ واخذت من الثلاجة عصير واخبز وجبن وراح لغرفتها وسكرت الباب
وجلست تاكل لانها ميتة جوع.....
عندهم بغرفة الجلوس
الشباب،، نواف : ههههههههههه اقولك ماتتذكر اسمها هههههه وسميتها فجر ،،
واقولها افصخي عبايتك وتقول لا متمسكه فيها احسن لها ولنااا
مهند : يؤيؤ خلها تجي هنا وونسولف معها هههههههههههه
نواف ناظرة وعقد حواجبة : وش قصدك !؟
مهند : قصدي انة تجلس معنا
نواف : لالالالا مستحيل انا جايبها عشان تخدمنا ،، وناظرة بستحقار : اذا نواياك شينة استراحتي تتعذرك
مهند ناظرة وابتسم : لالا يابو الشباب لاتزعل مني خلاص مو جايب طاريها ولاتزعل
نواف : كذااا حلوو
************************************************** ****
في اليوم الثاني
بالاستراحة ،،،
الصبح الساعة 10 دخل مهند الاستراحة بدون استاذان وهو عارف ان نواف مايجي هاالوقت ،
دخل يدور رحاب
دخل للمطبخ شافها ترتب وقرب لها : انتي فجر
ناظرتة رحاب بخوف وفتحت عيونها ومشت بتطلع من المطبخ
مسكها مع ايدها وسحبها لة وهي انرعبت وبدت تنتفض وتجمعت بعيونها الدموع وسحبت ايدها منة بكل قوتها وركضت للغرفة ،
ودخلت وقفلت عليها الباب، بسرعة وهي تتنفس بقوة وخايفة واسندت ضهرها على الباب وهي تبكي بحرقة ،،
ومهند يطق الباب عليهاا بكل قوتة ويتكلم بنبرة صوتة الخشنة : افتحـــــــــــــــــي الباب ولاكسرتة عليك !
رحاب يرتجف جسمها منة بخوف وتعض شفايفها بتوتر وهي ماسكة الباب بيدينها وتبكي وتشاهق
وماراح مهند الا بعد ساعة ،، ورحاب ماطلعت من الغرفة الا لما سمعت صوت نواف جاي ...
************************************************** *
في بيت ابو عمر
ام عمر جالسة باالصالة
ام عمر وهي تنزل بيالة الشاهي من ايدها : عمر اقهر ابوك همشني ومااقال لي ان البنت اللي زوجناك اياها مالها اصل
وانا بقهرة سافر وكمل دراستك وبدون ماتشاورة !
عمر فتح عيونه وناضرها : يمة صعبة مااشاورة تعرفين ابوي كيف اذاا عصب خلاص انسي اللي صار واذا انا بسافر ابي اسافر
بس اقولة عشان مااقطع دراستي وارجع
ام عمر : عشانك بس قولة ، وناظرتة تبتسم
عمر : تسلمين لي يالغالية
**************************************************
بالاستراحة
الصبح الساعة 7
رحاب سمعت صوت سيارة نواف تشغل وانتظرت شوي لمن سمعت صوتها تمشي
وطلعت وحاطة في بالها الهروب .. وفتحت باب الشارع وهي تناظر الشارع وطلعت وسكرت الباب
ومشت وهي تناظر الشارع بخوف وتمشي وتمشي وماتدري وين تروح !!...
ومشت تقريبا نص ساعة ،، وشافت بيت حلو وطقت الباب عليهم ......
تفكر : وش اقول لهم بقولهم انا ضايعة وناسية كل شي !....
************************************************** ********
رحاب اللي طقت عليهم الباب بيستقبلونها او لا ؟؟ وكيف بتكون حياتها معهم ؟؟
عمر هل بيسافر لامريكا يدرس ؟؟
وطارق وعهود بيسافرون لامريكا هل يلتقون مع عمر وايش ممكن يصير ؟؟
انتظروني باالجــــــــــــــــزء الـــــــــســــــــابـــــــــع
**************************************************
|