في هواء جيزان في سحر الجنوب = شفت دمع الشمس بــــوداع السحاب

لما عيني عانقت لحظة غــــــروب = والبحر بالـــــــــموج ارسلي عـــتاب

شمال انا سيرت تايه فــي الدروب = لين في الظبيه وكل الهــــــم غــاب

غزلان مايذكر ابد فيهم عـــــيوب = منظر الكحلــــه ينسيــك العــــــــذاب

ومريتها صبيا مـع نسمة هبوب = انشرح صــدري وجـــرح العمــر طاب

القدم للشرق بالخطوه طـــروب = والعطش يـــذبح ومـــرواني شــــراب

عطشان للداير مسافات ودروب = ومن ظباء عيبان ودعنــــــي الصواب

الجبل وجنه يـــــــداعبه الهبوب = والعيـــــون فيفاء وبـــــرقعها ضباب

يا هوى منجد ويا وادي هــروب = يا سحايــــب دمعــــــــــها بل الثياب

ولشمال المنطقه خذنــي ركوب = مر بي ام لصبه وللــــريث اســـــتراب

الجمال اللي سكن هاك الشعوب = والـــذهب يعشق طـــــويـلات الرقاب

حنيت للمطعن ولظبــى اللعوب = رغبتن في الــــــــروح للمطعن شباب

ديرتن سميتها سحر القلـــوب = من هـــواء غزلانها هالــــــــراس شاب

رحةللدكتور ابي وصفةحبوب = قلت يا دكــــــتور عالـــــــج قلب ذاب

قال يا معاند وسط قلبك ثقوب = دلتـــــك صبيا وماهي في الشــراب

روح شم زهور عاصمة الجنوب = عل مـــن ماها وتلـــــقا الجرح طاب

اللي يعشق صبيا لايمكن يتوب = حتى لو ابليس من الطغيـــــــــان تاب

برضها كم غاني طبعه لعوب = ريحـــه الكـــاذي وبكفــــــــوفه خضاب

من حكا ينسا هوا صبيا كذوب= مثل عطشان يطــارد لــــه ســــــــراب

وان نوى يبعد يذكره الغـروب = عنها مايقــــــــوى ابد لحظة غـــــياب

انا مدري كيف ضيعت الدروب = للمحله مسكنــي واجمــل تـــــــــــراب

استغفر الله لايحملنا ذنـــــوب = المحلـــــه جنه مافيـــــــــها عـــــــذاب